ناصر القحطاني ( البنيه )

يمه اذنبت ونزحت من العشيره . . . وان تمنو توبتي ماني بتايب
مابي لدنيا لغنادير النسيره . . . طايح من عامي الاول في مصايب
يمه اللي حب له طفله صغيره . . . وش يسوي لا غدى فيها طلايب
طفلةً ماكانت بحبي جديره . . . بس كانت غير عن كل الحبايب
كنت اسميها العنود المستديره . . . ليت اهلها العام سموها عجايب
كنت اجيها مثل الامطار الغزيره . . . كنت اضيع بجوها مثل الهبايب
واطلب الله هي متى تصبح كبيره . . . تفهم شلون المكان يصير ذايب
ان تغنت صارت الطرقه قصيره . . . وان تغلت صارت جروحي عطايب
وان بكت ناش الفضا طهر الستيره . . . وان شكت راح الحكي مثل الذهايب
وان تورات مثل الاسرار الخطيره . . . صار لوني مثل الايام العصايب
ديرةً ماهي بها ماهي بديرة . . . لو تراها عشق واعلاها سحايب
يمه تحبين طايلة الظفيره . . . اااه والله ياعليها اشقر ذوايب
ان تحرك له سواليفً كثيره . . . وان ركد روح مثل لمة قرايب
عرفّتني الليل ونجوم الظهيره . . . ذللتني بأغنيات ورحت طايب
كل عرقً في خفوقي تستثيره . . . خايفً تصبح مراجيحه نصايب
صنتها مثل البحر لأبعد جزيره . . . ماتركت علومها لأهل الركايد
قلت ان جاء الراس شايب فيه خيره . . . قلت يابنت الحلال الراس شايب
قالت ألا الحب؟ وش هو وش مصيره .. قلت انا استاهل وانا كل السبايب
ماجزا اللي حب له طفلة صغيره . . . غير قبر وضحكها فوق النصايب

( الشاعر / ناصر القحطاني )

ابيات جميلة يعطيك الف عافية

شاكر مرورك اخي

تحيااااااااااتي

» حامد زيد وناصر القحطاني دويتو محمد رسول الله جديد
» اسمعها للنهاية وسترتاح عند سماعها للشيخ ناصر القطامي
» التلاوة التي تميز بها الشيخ ناصر القطامي في البحرين
» مكتبة اصدارات الصوت الشجى المبكى (( ناصر القطامى )) غفر الله له