لا عاد تنشد

موضوع: لا عاد تنشد السبت سبتمبر 12, 2009 5:26 pm

لاعـاد تنشـدنـي عن أحوالـي تراك تحدّنـي

أنثـر علـى صدرك همـوم ثقال منت بقدّهـا

ياسيّـدي الفاضـل توطّانـي الزمـان وكدّنـي

شف حالتـي حالـة عدوّك من سبايب صدّهـا

من يـوم راحت والمواجـع كـل يوم تهدّنـي

الله وكيلك قلـت تمـزح وأثـرها من جـدّهـا

وإللـي محيـرني هـو إن البنت جـد تودّنـي

بعيونهـا يـوم أفترقنـا كـان واضـح ودّهـا

مسكت يدها قلت : لحظة وين ؟ قالت : هدّنـي

يابـري حالـي سـاع تلّـت مـن يدينـي يدّهـا

قالـت : طلبتـك يامحمـد قـوم يلله ودّنـي

وأقـوم لنّـي طـول عمـري ماعـرفت أردّهـا

وأقوم لكن قبل مامشي شفـت شيٍ شـدّنـي

قبـل تتغطّـى شفت دمعـة ثايـرة فـي خدّهـا

سألتهـا : وشفيـك ؟ بس البنت دوم تصدّني

عيـّت تجاوبنـي وإليـن اليـوم ما جـا ردّهـا

ما قـلـتـلـك ياخـوي لاتنـشـد تـرا بتحدّنـي

شف كيف وجهك صار ! ماني قلت منت بقدّهـا ؟

موضوع: رد: لا عاد تنشد السبت سبتمبر 12, 2009 9:30 pm

روووووووووووووووووووعة يعطيك الف عافية.....................

موضوع: رد: لا عاد تنشد الأحد سبتمبر 13, 2009 1:40 am

من يـوم راحت والمواجـع كـل يوم تهدّنـي

الله وكيلك قلـت تمـزح وأثـرها من جـدّهـا

تسلم يمينك والله يعطيك العافه

موضوع: رد: لا عاد تنشد السبت سبتمبر 26, 2009 9:47 pm

يســــــــلمـــــوووووو ويعـــطيكـ ألـــف عآفــــيه